irrika

Ezetz probak gainditu eta Ipod Touch bat irabazi !

Uix, barkatu... Dena den, badugu azalpena

Irrikatea lehiaketaren amaieran izandako gorabeherengatik barkamen eske gatoz. Izan ere, kexu bat baino gehiago jaso dugu esanaz oinarriak ez ditugula bete. Hain zuzen, oinarrietan jartzen zuenez, berdinketa-kasuan, proba gehigarri bat jarri behar genuen, eta proba hori zuzen ebazten zuena izango litzateke irabazlea.

Alabaina, probak zuzendu ditugunean, konturatu gara beste proba bat eginarazteak ez zigula berdinketa haustea bermatzen. Eta berriro berdinketa bat egonez gero, zer egin behar genuen? Horregatik, oinarriak aldatzea erabaki genuen atzo, eta zozketa bidez erabakitzea zein izango zen irabazlea.

Oinarrien aldaketa Irrikatea lehiaketaren orrian argitaratu genuen, baina, gure ezjakintasun tekniko infinitua dela eta, finalisten zerrendaren leku berean sartu genuen, eta ez zen bistaratu. Lehen akatsa. Bigarrena, ez konturatzea, eta ez bilatzea zuei jakinarazteko beste modu bat. Eta izango dira gehiago ere agian...

Eta hala, lasai-lasai, eta lehiaketa amaitzeko topatutako irtenbidearekin harro, zozketa egin dugu. Eta egin bitartean, grabatu, zuei erakusteko. Ez baitugu ezkutatzeko ezer. Ezta gure ezjakintasuna ere: gaizki igo dugu oinarri-aldaketa, eta horregatik berriro barkamena eskatu baino ezin dugu egin.

Hori bai!! Parte hartzaile guztioi opari sorpresa bat agindu genizuen, eta... bidean duzue! Zer da, zer da?? Zozketan erabilitako poltsaren klona! Zorionak denoi!!



Eta irabazlea da... Unai Oraa Gallastegi. Zorionak!

Irrikatea lehiaketak badu irabazlea! Erantzun guztiak jaso ondoren, sailkapena egin eta 12 finalista geratu ziren, puntuetan berdinduta. Horien artean zozketa egin dugu, eta hau da irabazlearen izena: Unai Oraa Gallastegi. Ikusi bideoa.

Zorionak, Unai!! Laster jasoko duzu zure Ipod Toucha! Gainerako partehartzaileoi ere, zorionak asmatu dituzuen erantzunengatik, eta eskerrik asko parte hartzeagatik. Hurrengoan, zuetakoren bat izan daiteke irabazlea!

12 finalista Irrikatea lehiaketan

Berdinketa hausteko zozketa egingo da hilaren 7an. Zorte on finalistei eta zorionak guztioi!
PUNTUAZIOA

IRRIKATEA LEHIAKETAREN OINARRIAK